ವೆಂಕಟರಮಣನೆ ಬಾರೋ
ಶೇಷಾಚಲವಾಸನೆ ಬಾರೋ||
|| ಪ ||
ಪಂಕಜನಾಭ ಪರಮ ಪವಿತ್ರ
ಶಂಕರ ಮಿತ್ರನೇ ಬಾರೋ ||
|| ವೆಂಕಟರಮಣನೆ ಬಾರೋ ||
ಮುದ್ದು ಮುಖದ ಮಗುವೇ
ನಿನಗೆ ಮುದ್ದು ಕೊಡುವೆನು ಬಾರೋ ||
ನಿರ್ದಯವೇಕೋ ನಿನ್ನೊಳಗೆ ನಾನು
ಹೊಂದಿದ್ದೇನೊ ಬಾರೊ||
|| ವೆಂಕಟರಮಣನೆ ಬಾರೋ ||
ಮಂದರಗಿರಿಯನು ಎತ್ತಿದಾನಂದ
ಮೂರುತಿಯೇ ನೀ ಬಾರೋ ||
ನಂದನ ಕಂದ ಗೋವಿಂದ ಮುಕುಂದನೇ
ಇಂದಿರೆಯರಸನೆ ಬಾರೋ ||
|| ವೆಂಕಟರಮಣನೆ ಬಾರೋ ||
ಕಾಮನಯ್ಯ ಕರುಣಾಳು
ಶಾಮಳವರ್ಣನೇ ಬಾರೋ ||
ಕೋಮಲಾಂಗ ಶ್ರೀ ಪುರಂದರ ವಿಠ್ಠಲನೇ
ಸ್ವಾಮಿ ರಾಮನೇ ಬಾರೋ ||