ಆಚಾರವಿಲ್ಲದ ನಾಲಿಗೆ

ನಿನ್ನ ನೀಚ ಬುದ್ಧಿಯ ಬಿಡು ನಾಲಿಗೆ ||

|| ಪ ||

ವಿಚಾರವಿಲ್ಲದೆ ಪರರ ದೂಷಿಪುದಕ್ಕೆ

ಚಾಚಿಕೊಂಡಿರುವಂತ ನಾಲಿಗೆ ||

|| ಆಚಾರವಿಲ್ಲದ ನಾಲಿಗೆ ||

ಚಾಡಿ ಹೇಳಲು ಬೇಡ ನಾಲಿಗೆ 

ನಿನ್ನ ಬೇಡಿಕೊಂಬುವೆನು ನಾಲಿಗೆ ||

ರೂಢಿಗೊಡೆಯ ಶ್ರೀ ರಾಮನ ನಾಮವ

ಪಾಡುತಲಿರು ಕಂಡ್ಯ ನಾಲಿಗೆ

|| ಆಚಾರವಿಲ್ಲದ ನಾಲಿಗೆ ||

ಪ್ರಾತಃಕಾಲದೊಳೆದ್ದು ನಾಲಿಗೆ

ಸಿರಿಪತಿ ಎನ್ನಬಾರದೆ ನಾಲಿಗೆ ||

ಪತಿತಪಾವನ ನಮ್ಮ ರತಿಪತಿ ಜನಕನ

ಸತತವು ನುಡಿಕಂಡ್ಯ ನಾಲಿಗೆ ||

|| ಆಚಾರವಿಲ್ಲದ ನಾಲಿಗೆ || 

ಹರಿಯ ಸ್ಮರಣೆ ಮಾಡೋ ನಾಲಿಗೆ

ನರಹರಿಯ ಭಜಿಸು ಕಂಡ್ಯ ನಾಲಿಗೆ ||

ವರದ ಪುರಂದರ ವಿಠಲರಾಯನ

ಚರಣಕಮಲ ನೆನೆ ನಾಲಿಗೆ ||

|| ಆಚಾರವಿಲ್ಲದ ನಾಲಿಗೆ ||

***