ನೋಡು ನೋಡು ಕಣ್ಣಾರ ನಿಂತಿಹಳು 

ನಗುನಗುತಾ ಚಾಮುಂಡಿ ನಿಂತಿಹಳು ||ಪ||

ತಾಯಿ ಹೃದಯ ದಿಂದ ತುಂಬು ಮಮತೆಯಿಂದ 

ಬಾ ಇಲ್ಲಿ ಓ ಕಂದ ಎನುತಿಹಳು 

 ಕೈ ಬೀಸಿ ಬಳಿಗೆ ನಮ್ಮ ಕರೆದಿಹಳು ||

||ನೋಡು ನೋಡು||

ಮೈಸೂರು ನಗರದ ಬೆಟ್ಟದ ಮೇಲೆ 

ಮಹಿಷಾಸುರ ಸೂದನಿಯ ವೈಭವ ಲೀಲೆ ||

ಧನುಜ ಸಂಹಾರಿಣಿ  ತ್ರಿಭುವನ ಪೋಷಿಣಿ 

ಶಂಕರನ ರಾಣಿಗೀವ ಹೂಗಳ ಮಾಲೆ   || 

 ||ನೋಡು ನೋಡು||

ಉಕ್ಕಿಬಹ ನದಿಯಲ್ಲಿ ಅವಳ ನಗೆ  

ಬೀಸಿಬಹ ಗಾಳಿಯಲ್ಲಿ ಅವಳುಸಿರು ||

ಹಸಿಹಸಿರುಪೈರುಗಳೇ ಅವಳುಡುಗೆ 

ಆ ತಾಯಿ ರೂಪವೋ ಹಲವು ಬಗೆ || 

||ನೋಡು ನೋಡು||

ನಂಬಿಬಹ ಭಕ್ತರ ರಕ್ಷೆಗಾಗಿ 

ನಂಬದಿಹ ದುಷ್ಟರ ಶಿಕ್ಷೆಗಾಗಿ  ||

ನಿಂತಿಹಳು ನೋಡಲ್ಲಿ ಶೂಲಪಾಣಿಯಾಗಿ 

ಕರುನಾಡ ಮಕ್ಕಳ ಹಿರಿದೈವವಾಗಿ  ||  

||ನೋಡು ನೋಡು||

***