ಶಾರದಾಂಬೆಯೆ ನಿನ್ನಡಿಗಳಿಗೆರಗುತ
ಶಿರವನೆ ಭಾಗ್ವೆವು ನಾವಿಂದು ||
|| ಪ ||
ಸ್ತುತಿಪೆವು ಸರಸ್ವತಿ ವಿಖ್ಯಾತೆ ||
ನೀತಿಯ ತೋರೋ ಜಗನ್ಮಾತೆ ||
ಮತಿವಂತರೆಂದೆಮ್ಮ ಮಾಡವ್ವ ||
ಜತನದಿ ವಿದ್ಯೆಯ ನೀಡವ್ವ ||
|| ಶಾರದಾಂಬೆಯೆ ||
ಸರಸಿಜ ಭವ ಸತಿ ಶಾರದೆಯೆ ||
ಕರುಣದಿ ಪಾಲಿಸು ಹೆ ಮಾತೇ ||
ಪರಮೇಶ್ಟಿ ದೇವನ ಪರಮ ಪ್ರಿಯಳೆ ನೀ ||
ಚರಣವ ನುತಿಪೆವು ಓಂ ಜನನಿ ||
|| ಶಾರದಾಂಬೆಯೆ ||
ಅತಿಶಯ ಮಹಿಮಳು ನೀನೆಂದು ||
ಮತಿಯುತರೆಲ್ಲರು ಹೊಗಳುವರು ||
ಪ್ರತಿದಿನದಲಿ ನಿನ್ನ ಪ್ರಾರ್ಥಿಪೆವೈ ||
ಸುತರೆಲ್ಲರನು ನೀ ಕಾಯೈ ||
|| ಶಾರದಾಂಬೆಯೆ ||
***