ನಲಿದಾಡೆ ಎನ್ನ ನಾಲಿಗೆ ಮ್ಯಾಲೆ,

ಶಾರದಾದೇವಿ |

ಕುಣಿದಾಡೆ ಎನ್ನ ನಾಲಿಗೆ ಮ್ಯಾಲೆ |

ನಾಲಿಗೆ ಮ್ಯಾಲೆ |

|| ನಲಿದಾಡೆ ||

ಘಿಲು ಘೀಲು ಘಿಲು ಘಿಲು ಗೆಜ್ಜೆಯ ನಾದ ,

ಹೊಳೆವ ಅಂದುಗೆ , ರುಳಿ ಪೈಂಜಣವಿಟ್ಟ ಪುಟ್ಟ ಪಾದ ,

ಸುರವರನುತ ಪಾದ ||

ಸರಸಿಜೋದ್ಭವನ ವದನ ನಿಲಯಳೆ ||

ಕರುಣದಿಂದ ಪರಿಪಾಲಿಸು ಮಾತೆ 

|| ನಲಿದಾಡೆ ||

ನಸುನಗೆ ಮುಖವು ನಾಸಾಭರಣ,

ಎಸೆವ ಕಪೋಲ ,

ಹೊಸಮುತ್ತಿನ ಚಳು ತುಂಬಿಟ್ಟ ಶ್ರವಣ ,

ತಿಲಕವು ಹಸನ ||

 ಶಶಿಸೂರ್ಯರ ಆಭರಣ ಶೋಭಿತಳೆ ||

ಕುಸುಮ ಮುಡಿದ ಮೂರ್ಧ್ವಜವುಳ್ಳವಳೆ 

|| ನಲಿದಾಡೆ ||

ಶೃಂಗಾರವಾದ ಜಡೆ ಬಂಗಾರ ,

ರಾಗುಟಿ ಚೌರಿ ,

ಹೊಂಗ್ಯಾದಿಗೆ ಗೊಂಡೆ ಮುತ್ತಿನ ಹಾರ ,

ರಂಗು ಮನೋಹರ ||

ಮಂದಗಮನೆ ಅರವಿಂದ ನಯನ ಸಿರಿ ||

ರಂಗವಿಠ್ಹಲನ ತೋರೇ ಶುಭಾಂಗಿ 

|| ನಲಿದಾಡೆ ||

|

***