ವೆಂಕಟೇಶ ಕಲ್ಯಾಣ ವಿಶ್ವದ ಕಲ್ಯಾಣ ||

ಪದ್ಮಾವತಿಯ ಕಲ್ಯಾಣ ಭಾಗ್ಯದ ಕಲ್ಯಾಣ ||

ನಿತ್ಯೋತ್ಸವಗಳ ಕಲ್ಯಾಣ ನಿತ್ಯ ಕಲ್ಯಾಣ

ಪದ್ಮಾವತಿಯ ಕಲ್ಯಾಣ ಭಾಗ್ಯದ ಕಲ್ಯಾಣ |

|| ವೆಂಕಟೇಶ  ||

ಬ್ರಹ್ಮ ರುದ್ರರು ಇಂದ್ರ ಚಂದ್ರರು

ಮುಕ್ಕೋಟಿ ಸುರರು ಬಂದಿಹರು |

ಮನ್ಮಥ ಜನಕನ ಮದುವೆಯ ಮಾಡಲು

ಲಕುಮಿ ಬಂದಳು, ಬಕುಲೆಯು ಬಂದಿಹಳು

|| ವೆಂಕಟೇಶ ||

ಬನ್ನಿರಿ ವೈಶಾಖ ದಶಮಿಯ ಕಲ್ಯಾಣ

ನೋಡಿರಿ ವೈಭವಪೂರಿತ ಕಲ್ಯಾಣ |

ಶ್ರೀನಿಧಿಕಮಲ ನಾಥನ ಕಲ್ಯಾಣ ||

ಲೋಕದ ಕಣ್ಮನ ಸೆಳೆಯುವ ಕಲ್ಯಾಣ 

|| ವೆಂಕಟೇಶ ||

ಕಲ್ಯಾಣೋತ್ಸವ ಸೇವೆಯ ಮಾಡೋಣ

ಶ್ರೀನಿವಾಸನ ಕಲ್ಯಾಣ ನೋಡೋಣ ||

ಕಾಣಿಕೆ ಸಲ್ಲಿಸಿ ನಮಿಸೋಣ ||

ಕೈವಲ್ಯ ಸುಖವನು ಪಡೆಯೋಣ ||

|| ವೆಂಕಟೇಶ ||

***