ಅಮ್ಮ ನಿನ್ನ ಪಾದಕಮಲಕೆ ದುಂಬಿಯಾಗಿ ಎರಗುವೆ | 

ಫಲ ಫುಷ್ಪವಾಗಿ ನಿನ್ನ ಪಾದ ಮೂಲ ಸೇರುವೆ || ಪ ||

ಭಕ್ತಿಎಂಬ ಜಲದಿ ಮಿಂದು ಆಸೆಗಳ ತೊರೆಯುವೆ 

ನೀನಿತ್ತ ಸಕಲವನ್ನೂ ನಿನಗೇ ನೀಡುವೆ ||

ನನ್ನದೆಂಬ ಮೋಹಪಾಶ ಬಂಧ ಹರಿಯೆನ್ನುವೆ 

ಬೇರೆ ಏನು ಬೇಡವು ಎನಗೆ ನಿನ್ನ ದಯವಾ ಬೇಡುವೆ 

||ಅಮ್ಮ ನಿನ್ನ||

ಸತ್ಯಮಾರ್ಗ ದಲ್ಲಿ ನಡೆವ ಬುದ್ದಿಯ ತೋರುವೆ 

ಸತ್ಯ ಧರ್ಮ ಕರ್ಮಗಳಲಿ ನಿರತನಾಗಿ ಬಾಳುವೆ ||

ದಿನವೆಲ್ಲ ನಿನ್ನ ನಾಮದ ಅಮೃತವನ್ನೇ ಸವಿಯುವೆ 

ನನ್ನನ್ನೇ ನಾನು ಮರೆತು ತೃಪ್ತನಾಗಿ ಬೇಡುವೆ ||

||ಅಮ್ಮ ನಿನ್ನ||

***