ಶಾಸ್ತಾ ಬರುವ ನೋಡಾ

ಶಬರಿಗಿರಿ ಶಾಸ್ತಾ ಬರುವ ನೋಡಾ ||

|| ಪ ||

ಸಾಸ್ತಾ ಬರುವ ನೋಡು

ಹುಲಿಯ ಮೇಲೆ ಕುಳಿತುಕೊಂಡು

ಹಣೆಯ ಮೇಲೆ ಗಂಧವಿಟ್ಟು

ಕಂಠದಲ್ಲಿ ಮಣಿಯ ತೊಟ್ಟು ||

|| ಶಾಸ್ತಾ ಬರುವ ನೋಡಾ ||

ಶಬರಿಗಿರಿಯ ಮೆಟ್ಟಿಲಲ್ಲಿ 

ನೀಲಿಮಲೆಯ ಹಸಿರಿನಲ್ಲಿ

|ಸ್ವಾಮಿಯೇ ಅಯ್ಯಪ್ಪ ಅಯ್ಯಪ್ಪ ಸ್ವಾಮಿಯೇ|

ಪೂರ್ಣ ಪ್ರಭೆಯ ರೂಪದಲ್ಲಿ

ಜ್ಯೋತಿಯಂತೆ ಬೆಳಕ ಚೆಲ್ಲಿ ||

|| ಶಾಸ್ತಾ ಬರುವ ನೋಡಾ ||

ಪಂಪಾ ನದಿಯ ತೀರದಲ್ಲಿ 

ಪುಣ್ಯ ಸ್ನಾನದ ವೇಳೆಯಲ್ಲಿ

ಪೂರ್ಣಚಂದ್ರನ ಕಾಂತಿಯಲ್ಲಿ 

ಮುತ್ತಿನಂತ ನಗುವ ಚೆಲ್ಲಿ

|| ಶಾಸ್ತಾ ಬರುವ ನೋಡ ||

ಆನೆಗಳಿಂಡಿನ ಘೀಳಿನಲ್ಲಿ

ಹುಲಿಗಳಿಂಡಿನ ಘರ್ಜನೆಯಲ್ಲಿ

| ದೇವನೇ ದೇವಿಯೇ ದೇವಿಯೇ ದೇವನೇ |

ಹಕ್ಕಿಗಳಿಂಪಿನ ಕಲರವದಲ್ಲಿ

ಗಾಳಿ ಬೀಸುವ ಮೆಲುದನಿಯಲ್ಲಿ ||

|| ಶಾಸ್ತಾ ಬರುವ ನೋಡಾ ||

ಕೊಂಬು ಕಹಳೆ ನಾದದಲ್ಲಿ

ಚೆಂಡೆ ಮದ್ದಲೆ ಸದ್ದಿನಲ್ಲಿ

ಗಾನಶಾರದೆ ವೀಣೆಯಲ್ಲಿ

ನಾಟ್ಯರಾಜನ ಗೆಜ್ಜೆಯಲ್ಲಿ ||

|| ಶಾಸ್ತಾ ಬರುವ ನೋಡಾ‌ ||

ದೀಪದಾರತಿ ಬೆಳಕಿನಲ್ಲಿ

ತುಪ್ಪಗಂಧ ಘಮಘಮದಲ್ಲಿ

ಕರ್ಪೂರಧೂಪದ ಧೂಮ್ರದಲ್ಲಿ

ಶರಣು ಎನ್ನುವ ಘೋಷದಲ್ಲಿ‌ ||

|| ಶಾಸ್ತಾ ಬರುವ ನೋಡಾ ||