ಬಾಗಿಲನು ತೆರೆದು ಸೇವೆಯನು ಕೊಡು ಹರಿಯೆ ||

ಕೂಗಿದರು ಧ್ವನಿಯು ಕೇಳಿಸಲೊಲ್ಲದೆ |

|| ಬಾಗಿಲನು ತೆರೆದು ||

ಪರಮಪದದೊಳಗೆ ವಿಷಚರನ ತಲ್ಪದಲಿ

ಸಿರಿಸಹಿತ ಕ್ಷೀರವಾರಿಧಿಯೊಳಿರಲು ||

ಕರಿರಾಜ ಕಷ್ಟದಲಿ ಆದಿಮೂಲ ಎಂದು ||

ಕರೆಯಲಾಕ್ಷಣ ಬಂದು ಪೊರೆದೆ ನರಹರಿಯೆ ||

|| ಬಾಗಿಲನು ತೆರೆದು ||

ಕಡುಕೋಪದಿಂ ಖಳನು ಖಡ್ಗವನೆ ಪಿಡಿದು

ನಿನ್ನೊಡೆಯ ಎಲ್ಲಿಹನೆಂದು ಕಂಭವೊಡೆಯೆ ||

ಧೃಢಭಕುತಿಯಲಿ ಶಿಶುವು ಬಿಡದೆ ನಿನ್ನನು ಭಜಿಸೆ ||

ಸಡಗರದಿ ಕಂಭದಿಂದೊಡೆದ ನರಹರಿಯೆ |

|| ಬಾಗಿಲನು ತೆರೆದು ||

ಯಮಸುತನ ರಾಣಿಗಕ್ಷಯ ವಸನವನಿತ್ತೆ

ಸಮಯದಲಿ ಅಜಮಿಳನ ದಯದಿ ಪೊರೆದೆ ||

ಸಮಯಾಸಮಯವುಂಟೆ ಭಕ್ತವತ್ಸಲ ನಿನಗೆ ||

ಕಮಲಾಕ್ಷ ಕಾಗಿನೆಲೆಯಾದಿ ಕೇಶವನೆ |

|| ಬಾಗಿಲನು ತೆರೆದು ||

***