ಅಮ್ಮ ನಿನ್ನ ನಾಮದಿಂದ ಜನುಮ ಪಾವನ

ಅಮ್ಮ ನಿನ್ನ ಧ್ಯಾನವೊಂದೇ ಮುಕುತಿ ಸಾಧನ 

|| ಅಮ್ಮ ನಿನ್ನ ನಾಮದಿಂದ ||

ಶಾರದಾಂಬೆ ಜಯ ಜಗದಂಬೆ

ಶಾರದಾಂಬೆ ಜಗದಂಬೆ ನಿನ್ನನೆ ನಂಬಿದೆ ||

ನೀರಜಾಕ್ಷಿ ಕರುಣದಿ

ಹರಸು ಎನುತ ಬೇಡುವೆ ||

|| ಅಮ್ಮ ನಿನ್ನ ನಾಮದಿಂದ ||

ದೂರ ದೂರ ದೂರ ಇರುವ ಬಾಳತೀರಕೆ 

ಸಾರ ಸವಿಯು ಸೇರಿರುವಂತ ಪ್ರೇಮದೂರಿಗೆ || 

ಬೀರಿ ನಿನ್ನ ನಗುವಿನ 

ಹೊನಲು ನವ್ಯಲೋಕಕೆ ||

ದಾರಿ ತೋರು ಭಕುತಗೆ

ಸತತ ಹೃದಯನಾದಕೆ || 

||ಅಮ್ಮ ನಿನ್ನ ನಾಮದಿಂದ ||

ಮನೆ ಮಡದಿ ಮಕ್ಕಳು ಎನ್ನುವ ಭಾವ ಉಳಿಯಲಿ 

ಕನಸ ಸ್ವರ್ಗನಾಶವಾಗಿ ಉರಿದು ಹೋಗಲಿ ||

ಮನವು ಕರ್ಮಫಲವನು 

ಬಯಸದೆ ನಿನ್ನ ಹಾಡಲಿ ||

ದಿನವು ದಾನ ಧರ್ಮಗೈವ ಮನವು ನನ್ನದಾಗಲಿ  ||

|| ಅಮ್ಮ ನಿನ್ನ ನಾಮದಿಂದ ||