ನಮ್ಮಮ್ಮ ಶಾರದೆ ಉಮಾ ಮಹೇಶ್ವರಿ

ನಿಮ್ಮೊಳಗಿಹನಾರಮ್ಮಾ||

ಕಮ್ಮಗೋಲನ ವೈರಿ ಸುತನಾದ ಸೊಂಡಿಲ

ಹೆಮ್ಮೆಯ ಗಣನಾಥನೇ   ಕಣಮ್ಮ||ಪ ||

ಮೋರೆ ಕಪ್ಪಿನ ಭಾವ ಮೊರದಗಲದ ಕಿವಿ ಕೋರೆದಾಡೆಯನಾರಮ್ಮಾ||

ಮೂರುಕಣ್ಣನ ಸುತ ಮುರಿದಿಟ್ಟ ಚಂದ್ರನ

ಧೀರ ತಾ ಗಣನಾಥನೇ  ಅಮ್ಮಯ್ಯ ||

||ನಮ್ಮಮ್ಮ||

ಉಟ್ಟದಟ್ಟಿಯು ಬಿಗಿದುಟ್ಟ ಚೆಲ್ಲಣದ

 ದಿಟ್ಟ ತಾನಿವನಾರಮ್ಮ||

ಪಟ್ಟದ ರಾಣಿ ಪಾರ್ವತಿಯ ಕುಮಾರನು 

ಹೊಟ್ಟೆಯ ಗಣನಾಥನೇ  ಅಮ್ಮಯ್ಯ ||

||ನಮ್ಮಮ್ಮ||

ರಾಶಿ ವಿದ್ಯೆಯ ಬಲ್ಲ

ರಮಣಿ ಹಂಬಲನೊಲ್ಲ ಭಾಷಿಗನಿವನಾರಮ್ಮ||

ಲೇಸಾಗಿ ಜನರ  ಸಲಹುವ ಕಾಗಿನೆಲೆಯಾದಿ

ಕೇಶವ ದಾಸ ಕಣೇ ಅಮ್ಮಯ್ಯ ||

||ನಮ್ಮಮ್ಮ||

***