ಗುರುನಾಮಾಮೃತ ಗುರುನಾಮಾಮೃತ |

ಗುರುನಾಮಾಮೃತ ಸವಿಮನವೇ |

|| ಪ ||

ಗುರು ಸೇವೆಗೈವವಗೆ ಭವದ ಬಂಧನವಿಲ್ಲ ||

ಎಂಬುದ ನೀನರಿತು ನೆನೆ ಮನವೇ ||

|| ಗುರುನಾಮಾಮೃತ ||

ಪರಬ್ರಹ್ಮ ರೂಪನು ಹರಿಯಂತೆ ಕಾಯ್ವನು 

ಶಿಷ್ಯರ ಉದ್ದರಿಸೋ ಶಿವನಿವನು ||

ಗಂಧದಿ ಪರಿಮಳವು ಇರುವಂತೆ ಇರುವವನು ||

ಜ್ಞಾನದ ಜ್ಯೋತಿಯ ಬೆಳಗುವನು ||

|| ಗುರುನಾಮಾಮೃತ ||

ಅಣುವಲಿ ಅಣು ಇವನು 

ಮಹತೋಮಹಿಮನು 

ಅರಿವಿಗೆ ಅರಿವು ತಾನಾಗಿಹನು ||

ರವಿಯನು ಮೀರಿಸೋ ತೇಜಸ್ವಿರೂಪನು ||

ಚೈತನ್ಯ ನೀಡುವ ಚಿನ್ಮಯನು ||

|| ಗುರುನಾಮಾಮೃತ ||

ಕಾಮಿತ ಫಲವೀವ ಗುರು ದೈವರಿರಲೇಕೆ 

ಸಾವುನೋವಿನ ಭಯ ನಮಗೇಕೆ ||

ಶಾಂತಿಯ ನೀಡುವ ಅವಧೂತ ನಾಮವ ||

ಶುದ್ಧ ಭಾವನೆಯಲ್ಲಿ ನೆನೆ ಮನವೇ ||

|| ಗುರುನಾಮಾಮೃತ || 

 ***