ವರವ ಕೊಡೆ ಚಾಮುಂಡಿ ವರವ ಕೊಡೆ ||

ಸೆರಗೊಡ್ಡಿ ಬೇಡುವೆನು ವರವ ಕೊಡೆ ವರವಕೊಡೆ   ||

||  ವರವ ಕೊಡೆ ||

ಒಲವಿಂದ ನೀನೆನಗೆ

ವರನೀಡಿ ಸಲಹದಿರೆ || 

ನಿನ್ನಾಣೆ ನಾ ನಿನ್ನ

ಪಾದ ಬಿಡೆ .. ಪಾದ ಬಿಡೆ |

|| ವರವ ಕೊಡೆ ||

ಕುಂಕುಮವು ಅರಿಸಿನವು 

ಹೊಳೆವಂತ ಕರಿಮಣಿಯು ||

ಸ್ಥಿರವಾಗಿ ಇರುವಂತೆ ವರವ ಕೊಡೆ 

ಸೆರಗೊಡ್ಡಿ ಬೇಡುವೆನು ವರವ ಕೊಡೆ  ವರವ ಕೊಡೆ 

|| ವರವ ಕೊಡೆ ||

 ಬಾಗಿಲಲಿ ತೋರಣ 

ಮದುವೆಮುಂಜಿ ನಾಮಕರಣ ||

ಯಾವಾಗಲೂ ಆಗುವಂತೆ ವರವ ಕೊಡೆ 

ನಿನ್ನಾಣೆ ನಾ ನಿನ್ನ ಪಾದ ಬಿಡೆ ಪಾದ ಬಿಡೆ 

|| ವರವ ಕೊಡೆ ||

ಹೆಸರುಳ್ಳ ಮನೆಕಟ್ಟಿ 

ಹಸುಕರುವ ಸಾಲುಕಟ್ಟಿ ||

ವಂಶವೃದ್ಧಿ ಆಗುವಂತೆ ವರವ ಕೊಡೆ 

ಸೆರಗೊಡ್ಡಿ ಬೇಡುವೆನು ವರವ ಕೊಡೆ  ವರವ ಕೊಡೆ

|| ವರವ ಕೊಡೆ ||

ಮನೆಯಲ್ಲಿ ಹರುಷಕೊಟ್ಟು 

ಮನದಲ್ಲಿ ಶಾಂತಿ ಕೊಟ್ಟು || 

ಗಟ್ಟಿ ಹೃದಯ ತುಂಬುವಂತೆ ವರವ ಕೊಡೆ 

ನಿನ್ನಾಣೆ ನಾ ನಿನ್ನ ಪಾದ ಬಿಡೆ ಪಾದ ಬಿಡೆ ||

|| ವರವ ಕೊಡೆ ||

***