ಮೂಡಣ ಅಂಚಲಿ ಮೂಡಿದ ರವಿಯು

ಏಳಮ್ಮ ಬೆಳಗಾಯ್ತು ||

ಮಾತಾಯಿ ನಮ್ಮಮ್ಮ ಚಾಮುಂಡಿ ಕೇಳೆ ಏಳಮ್ಮ ಬೆಳಗಾಯ್ತು |

ಏಳಮ್ಮ ಬೆಳಗಾಯ್ತು |

|| ಮೂಡಣ ||

ಮಹಿಷನ ಕೊಂದು ದನಿವಾಯಿತೇನು ಮಲಗಿಹೆ ಏತಕೆ ಹೀಗೆ ||

ಕಾದಿಹೆವಮ್ಮ ನಿನ್ನ ಮನೆ ಹೊರಗೆ 

ನೀಡಮ್ಮ ದರುಶನ ನಮಗೆ |

ನೀಡಮ್ಮ ದರುಶನ ನಮಗೆ |

|| ಮೂಡಣ ||

ಹಕ್ಕಿಗಳೆಲ್ಲ ಹಾಡಿವೆ ನಿನಗೆ 

ಮಂಗಳ ಸುಪ್ರಭಾತ ||

ಮಾತೆಯೇ ನಮಗೆ ಶುಭ ನೀಡು ಎಂದು ಕೋರಿದೆ ಆ ಶುಭಗೀತ | 

ಕೋರಿದೆ ಆ ಶುಭಗೀತ |

|| ಮೂಡಣ ||

ಹೂಗಳು ಅರಳಿ ಕಾದಿಹವಮ್ಮ

ಧರಿಸಲು ನಿನ್ನಯ ಕೊರಳು ||

ಭಕ್ತರ ಕೋಟಿ ಕಾದಿಹುದಮ್ಮಾ

ಪಡೆಯಲು ಪಾದದ ದೂಳು |

ಪಡೆಯಲು ಪಾದದ ದೂಳು |

|| ಮೂಡಣ ||

***