ರಂಗು ರಂಗು ರಂಗವಲ್ಲಿ
ಅಂದ ಚೆಂದ ಹೂವಿನಲ್ಲಿ ||ರಂಗು||
ಶೃಂಗಾರದ ಹೂವಿನ ವೇಣಿ ದುರ್ಗೆ ಬಂದಳು
ಬಂಗಾರದ ಬಣ್ಣದ ರಾಣಿ ಅಂಬೆ ಬಂದಳು||
ನಂದಿನಿ ನದಿಯ ಕಟಿಯಲ್ಲಿ ಬಂದು ನಿಂತಳು
ಸುಂದರ ಕಟೀಲಿನಲ್ಲಿ ನಗುತ ನಿಂತಳು ||
||ಶೃಂಗಾರದ ಹೂವಿನ||
ತಾವರೆಯಂತ ಮೊಗದೊಳು
ದುಂಬಿಯಂತ ಕಣ್ಣವಳು ||
ಕೇದಗೆ ಹೂವಿನ ಮೈಯವಳು
ಕಾಡಿಗೆ ಬಣ್ಣದ ಜಡೆಯವಳು
|| ಶೃಂಗಾರದ ಹೂವಿನ ||
ಮಲ್ಲಿಗೆ ಮೊಗ್ಗಿನ ತುಟಿಯವಳು
ಮುದ್ದು ಮಲ್ಲಿಗೆ ನಗೆಯವಳು ||
ಮಾವಿನ ತಳಿರಾ ಕರದವಳು
ಕೋಗಿಲೆಯಂತ ಧ್ವನಿಯವಳು ||
||ಶೃಂಗಾರದ ಹೂವಿನ||
ನವಿಲಿನ ಹಾಗೆ ನಡೆಯವಳು
ಹಂಸದಂತೆ ಬಳುಕೋಳು ||
ತಿಂಗಳ ಬೆಳಕ ಮುಡಿಯವಳು
ಅಂದುಗೆ ಪಾದದ ಸುಂದರಿಯು ||
||ಶೃಂಗಾರದ ಹೂವಿನ||