ಬಂದಳ್ ನೋಡೇ
ಬಂದಳ್ ನೋಡೇ ಮಂದಿರದೊಳು ||
ಭಾಗ್ಯದ ಲಕ್ಷ್ಮಿ ಬಂದಳು ನೋಡೇ ||
||ಪ||
ಅಂದೂಗೆ ಕಿರುಗೆಜ್ಜೆ ಕಿಲ್ ಕಿಲ್ ಕಿಲ್ಎನ್ನುತ್ತ ||
ಮುದ್ದು ಪಾದದಿ ಹೆಜ್ಜೆಯನ್ನಿಕ್ಕುತ್ತಾ ||
||ಭಾಗ್ಯದ ಲಕ್ಷ್ಮಿ ಬಂದಳು ನೋಡೇ ||
ಎಡ ಬಲದಲ್ಲಿ ಗಜಗಳಿಂದ ಪೂಜೆಗೊಳ್ಳುತ್ತಾ||
ಬಿಡದೆ ತನ್ನ ಕರಕಮಲದಲಿ ಅಭಯ ಕೊಡುತಾ||
||ಭಾಗ್ಯದ ಲಕ್ಷ್ಮಿ ಬಂದಳು ನೋಡೇ ||
ಅತಿ ಹರುಷದಿ ಹಿತದಿ ತನ್ನ ಪತಿಯ ಸಹಿತಾಗಿ ||
ವಾರೆ ನೋಟದಿ ಭಕ್ತರಿಗೆ ವರವ ಕೊಡುತಲಿ ||
||ಭಾಗ್ಯದ ಲಕ್ಷ್ಮಿ ಬಂದಳು ನೋಡೇ ||
ಸೃಷ್ಟಿಗೊಡೆಯ ತಂದೆ ಜಗನ್ನಾಥ ವಿಠಲನ ||
ಪಟ್ಟದರಸಿ ಅರ್ತಿಯಿಂದಲಿ ಭಕ್ತರ ಮನೆಗೆ ||
||ಭಾಗ್ಯದ ಲಕ್ಷ್ಮಿ ಬಂದಳು ನೋಡೇ ||
***