ಇಷ್ಟು ದಿನ ಈ ವೈಕುಂಠ

ಎಷ್ಟು ದೂರವೋ ಎನ್ನುತಲಿದ್ದೆ ||

ದೃಷ್ಟಿಯಿಂದಲಿ ನಾನು ಕಂಡೆ ||

ಸೃಷ್ಟಿಗೀಶನೇ ಶ್ರೀರಂಗಶಾಯಿ

 ||ಪ||

ಇಷ್ಟು ದಿನ ಈ ವೈಕುಂಠ

ಎಷ್ಟು ದೂರವೋ ಎನ್ನುತಲಿದ್ದೆ ||

ದೃಷ್ಟಿಯಿಂದಲಿ ನಾನು ಕಂಡೇ 

|| ಅ. ಪ ||

ಎಂಟು ಏಳನು ಕಳೆದುದರಿಂದೇ 

ಬಂಟರೈವರ ತುಳಿದುದರಿಂದೇ 

ತುಂಟಕನೊಬ್ಬನ ತರಿದುದರಿಂದೇ 

ಬಂಟನಾಗಿ ಬಂದೆನೋ ಶ್ರೀರಂಗಶಾಯಿ ||

|| ಇಷ್ಟು ದಿನ ಈ  ||

ವಜ್ರ ವೈಢೂರ್ಯದ ತೊಲೆಗಳ ಕಂಡೆ

ಪ್ರಜ್ವಲಿಪ ಮಹಾದ್ವಾರವ ಕಂಡೆ

ನಿರ್ಜರಾದಿ ಮುನಿಗಳ ನಾ ಕಂಡೆ

ದುರ್ಜನಾಂತಕನೆ ಶ್ರೀರಂಗಶಾಯಿ ||

|| ಇಷ್ಟು ದಿನ ಈ  ||

ರಂಭೆ ಊರ್ವಶಿಯರ ಮೇಳವ ಕಂಡೆ

ತುಂಬುರು ಮುನಿ ನಾರದರನು ಕಂಡೆ

ಅಂಬುಜೋದ್ಭವ ರುದ್ರರ ಕಂಡೆ

ಶಂಬರಾರಿಪಿತನೆ ಶ್ರೀರಂಗಶಾಯಿ ||

|| ಇಷ್ಟು ದಿನ ಈ  ||

ನಾಗಶಯನನ ಮೂರುತಿ ಕಂಡೆ

ಭೋಗಿಭೂಷಣ ಶಿವನನು ಕಂಡೆ

ಭಾಗವತರ ಸಮ್ಮೇಳವ ಕಂಡೆ

ಕಾಗಿನೆಲೆಯಾದಿ ಕೇಶವನ ನಾ ಕಂಡೆ ||

|| ಇಷ್ಟು ದಿನ ಈ  ||

***