ಇಕ್ಕೋ ನೋಡಿರೆ ಚಿಕ್ಕ ಹನುಮಂತಾ ||
ಇಕ್ಕೋ ನೋಡಿರಿಂತ ಚಿಕ್ಕ ಹನುಮಂತಾ
ಭಕ್ತಿ ಕೊಡುವಂತ ಭಾರತಿಕಾಂತ |
|| ಪ ||
ರಾಮ ದೂತನೆ ಬಹು ಶೂರನೀತ||
ರಾಮಚಂದ್ರಗಾಗಿ ಜಲಧಿದಾಟಿ ಪೋಗಿ||
ಸೀತೆಗುಂಗುರವನ್ನಿತ್ತ ಮಹಾನುಭಾವ||
|| ಇಕ್ಕೋ ನೋಡಿರೆ ||
ಎಲ್ಲಾ ಕೇಳಿರೆ ವಲ್ಲಭನ ಮಹಿಮೆ ||
ತಲ್ಲನಯನ ಪಾಲ ನಿಲ್ಲಿಸಿದ ಲೋಲ ||
ಒಳ್ಳೆ ಗುಣಶೀಲ ಇಲ್ಲಿ ಬಹಳ ಪ್ರಭಲ ||
|| ಇಕ್ಕೋ ನೋಡಿರೆ ||
ಅಪಾರ ಮಹಿಮ ಬಹು ಶೂರನೀತ ||
ಅಂಜನಿಯ ಕಂದಾ ಸಂಜೀವಿನಿಯ ತಂದಾ ||
ನರಸಿಂಹ ದೂತಾ ನಮ್ಮ ಪೊರೆವಧಾತಾ ||
|| ಇಕ್ಕೋ ನೋಡಿರೆ ||
***