ಎತ್ತಲೋ ಮಾಯವಾದ ಮುತ್ತಿನ ಮೂಗುತಿ ನೀನು 

ಎತ್ತಿ ತಂದೆ ಎಲ್ಲಿಂದ ರಾಯ ಮುತ್ತೆತ್ತರಾಯ ||

ಅತ್ತ ಸೀತಮ್ಮ ನ ಮುದ್ದು ಮೊಗದಲ್ಲಿ ಮತ್ತೆ

 ನಗೆಯ ತಂದೆಯ ಮಹನೀಯಾ.. ಮಾರುತಿರಾಯ

|| ಎತ್ತಲೋ ಮಾಯವಾದ ||

ಸೀತಮ್ಮ ಸ್ನಾನ ಮಾಡಿ ಮೂಗುತಿಯ ಹುಡುಕಾಡಿ ||

ನಿನ್ನ ಕೂಗಿದಳೇನೋ ಹನುಮಂತರಾಯ ||

ನೀರಲ್ಲಿ ಬಾಲ ಬಿಟ್ಟು ನದಿಯನ್ನೇ ಶೋಧಿಸಿದೆ

ಎಂಥ ಶ್ರದ್ಧೆಯೋ ಮಹನೀಯಾ.. ಹನುಮಂತರಾಯ |

|| ಎತ್ತಲೋ ಮಾಯವಾದ ||

ಅಮ್ಮಾ ಸೀತಮ್ಮ ನು ನಿನ್ನ ಭಕ್ತಿಗೆ ಮೆಚ್ಚಿ ||

ಮುತ್ತೆತ್ತ ರಾಯನೆಂದು ಹರಸಿದಳೇನೋ ||

ನಿನ್ನಂಥ ದಾಸನನು ಪಡೆದ ಆ ರಾಮನು

ಎಂಥ ಭಾಗ್ಯವಂತನಯ್ಯ ಆ.. ಮಾರುತಿರಾಯ |

|| ಎತ್ತಲೋ ಮಾಯವಾದ ||

ನಿನ್ನಂತೆ ಭಕ್ತಿ ಇಲ್ಲ ನಿನ್ನಂತೆ ಶಕ್ತಿ ಇಲ್ಲ ||

ಏನೂ ಇಲ್ಲದ ಜೀವ ನನ್ನದು ಸ್ವಾಮಿ ||

ನಿನ್ನೇ ನಾ ನಂಬಿ ಬಂದೆ ನೀನೇ ನನ್ನ ತಾಯಿ ತಂದೆ 

ಕಾಪಾಡುವ ಹೊಣೆಯು ನಿನ್ನದೂ..

ತಂದೆ ನಿನ್ನದೂ |

|| ಎತ್ತಲೋ ಮಾಯವಾದ ||

***