ರಥವನೇರಿದ ರಾಘವೇಂದ್ರ

ರಾಯ ಗುಣಸಾಂದ್ರ ||

ಸತುವ ಮಾರ್ಗದಿ ಸಂತತ ಸೇವಿಪರಿಗೆ

ಹಿತದಿಂದಲಿ ಮನೋರಥವ ಕೊಡುವೆನೆಂದು ||

|| ರಥವನೇರಿದ ||

ಚತುರದಿಕ್ಕುವಿಧಿಕ್ಕುಗಳಲ್ಲಿ

ಸ್ಮರಿಸುವ ಜನರಲ್ಲಿ

ಮಿತಿಯಿಲ್ಲದೆ ಬಂದು ಓಲೈಸುತಲಿ ವರವ ಬೇಡುತಲಿ ||

ಸ್ತುತಿಸುತ್ತ ಪರಿಪರಿ ನತರಾದಿಗರಿಗೆ

ಗತಿನೀಡದೆ ಸರ್ವಥಾ ನಾಬಿಡೆನೆಂದು||

|| ರಥವನೇರಿದ ||

ಅತುಳ ಮಹಿಮನ ದಿನದಲ್ಲಿ ದಿತಿಜ ವಂಶದಲ್ಲಿ 

ಉತ್ಪತ್ತಿಯಾಗಿ ಉಚಿತವಾಗಲಿ ಉತ್ತಮ ಮತಿಯಲ್ಲಿ ||

ಅತಿಶಯವಿರುತಿರೇ ಪಿತನ ಬಾಧೆಗೆ ಮನ್ಮಥಪಿತನೊಲಿಸಿದ ಜಿತಕರಣದಲಿ ||

|| ರಥವನೇರಿದ ||

ಪ್ರಥಮ ಪ್ರಹ್ಲಾದ ವ್ಯಾಸಮುನಿಯೇ

ರಾಘವೇಂದ್ರ ಯತಿಯೇ 

ಪತಿತೋದ್ದಾರಿಯೆ ಪಾವನಕಾರಿಯೆ ಕೈ ಮುಗಿವೆನು ದೊರೆಯೇ ||

ಕ್ಷಿತಿಯೊಳು ಗೋಪಾಲ ವಿಠಲನ ನೆನೆ ನೆನೆಯುತ ಮಂತ್ರಾಲಯದೊಲು ಶುಭವೀಯುತ ||

|| ರಥವನೇರಿದ ||

 ***