ಈಶನಂದನಾ ಭೂಸುರ ಪ್ರಿಯ
ಜಗದೀಶ ಮಲ್ಲೇಶ ವಾಸುಕಿಪ್ರಿಯ ||
ಈ ಪರಿ ನಿನ್ನಾ ನಾಮಸ್ಮರಣೆಯಾ
ಹಾಡುತ ನಿನ್ನಾ ತೂಗುವೆನಯ್ಯ ||
|| ಈಶನಂದನಾ ||
ಚಿನ್ನದ ಬಟ್ಟಲಲಿ ಹಾಲ ನೀಡುವೆ ||
ರನ್ನದಾ ತೊಟ್ಟಿಲಲಿ ನಿನ್ನ ತೂಗುವೆ ||
ಮಲ್ಲಿಗೆ ಮಾಲೆಯ ನಿನಗೆ ತೊಡಿಸುವೆ ||
ಕರ್ಪೂರದಾರತಿಯ ನಿನಗೆ ಬೆಳಗುವೆ ||
|| ಈಶ ನಂದನಾ ||
ಸಕಲದೇವರಾ ದೇವ ಷಣ್ಮುಖ ||
ಭಕ್ತವತ್ಸಲಾ ಭಾಗ್ಯಸಂಪದ ||
ಭಕ್ತಿಯಿಂದಲಿ ಪೂಜಿಪೆ ನಿನ್ನಾ ||
ಶಕ್ತಿಯ ನೀಡಿ ರಕ್ಷಿಸುವೆ ನಮ್ಮ ||
|| ಈಶ ನಂದನಾ ||
ಶರವಣಭವನೇ ಸುಬ್ಬರಾಯನೇ ||
ಕರವ ಮುಗಿವೆನು ಕಾರ್ತಿಕೇಯನೇ ||
ಕರುಣೆಯಿಂದಲೀ ಕಾಯೊ ಗುಹನೇ ||
ವರವ ನೀಡುವಾ ವರಕುಮಾರನೇ ||
|| ಈಶ ನಂದನಾ ||
***